SIDEBAR
»
S
I
D
E
B
A
R
«
Concerto nacional de Siareir@s Galeg@s: pola oficialidade das nosas seleccións!
Mai 28th, 2007 by ofervedoiro

Este vindeiro sábado, 2 de xuño, vai ter lugar en Compostela unha xornada de conmemoración e reivindicación. Dez anos despois, Siareir@s Galeg@s, como cabeza visíbel da loita pola oficialidade das nosas Seleccións Nacionais deportivas pero co apoio de numerosos colectivos de todo país, organiza en Compostela unha xuntanza de confraternidade, reivindicación e festa.

Read the rest of this entry »

Na presentación de “Tilirín e os escritores das Letras”
Mai 26th, 2007 by ofervedoiro

É esta a cuarta entrega da colección “o meu primeiro dicionario”, que a editorial Fervenza acubilla na súa “república das letras”. É para nós un privilexio poder dicir é o noso compañeiro Héitor Picallo o que lle da vida ao Tilirín e Read the rest of this entry »

Roteiro cos rapaces e rapazas do CPI D. Aurelio
Mai 24th, 2007 by ofervedoiro

Finalmente o tempo non nos impedíu saír e puidemos levar a diante como estaba previsto a actividade desta tarde cos alumnos e alumnas de cuarto da ESO do colexio de Cuntis. Read the rest of this entry »

Roteiro polo Gallo nas XX. CC. do CPI Don Aurelio
Mai 21st, 2007 by ofervedoiro

No marco das Xornadas Culturais que o C.P.I. Don Aurelio de Cuntis organiza durante este mes de maio, O Fervedoiro participará este vindeiro xoves día 24 cun roteiro baixo o título “Degradación do medio ambiente”. Read the rest of this entry »

17 de maio de 2007: María Mariño
Mai 16th, 2007 by ofervedoiro

Vai ser a poeta barbanzá (de Noia) María Mariño a terceira muller á que se lle adique o Día das Letras Galegas (antes foron Rosalía de Castro e Francisca Herrera). Cada dezasete de maio, unha figura da nosa literatura é homenaxeada e, en moitos casos, serve esta data para difundir a súa figura. Read the rest of this entry »

Procesado un compañeiro de Siarei@s Galeg@s como froito da brutalidade policial
Mai 15th, 2007 by ofervedoiro

O Fervedoiro, como colectivo integrado en Siareir@s Galeg@s, quere manifestar o seu máis contundente apoio a Diego Bernal, membro da Asemblea de SS.GG. da Coruña, que este martes declarará en cualidade de imputado logo do acontecido o pasado 28 de Nadal durante a manifestación previa ao encontro de fútbol Galiza – Ecuador. Read the rest of this entry »

Pola nosa lingua, no Mes das Letras
Mai 9th, 2007 by ofervedoiro

Estamos xa de cheo no Mes das Letras. Como cada dezasete de maio celebramos este ano a festa da nosa lingua honrando a un ou unha escritora dos/as nosos/as. A elixida para este ano é María Mariño, e tempo haberá para centrármonos nesta figura. Hoxe imos referirnos á campaña que a Mesa pola Normalización Lingüística vén de botar a andar con motivo do Día das Letras. Read the rest of this entry »

Galiza non se vende
Mai 5th, 2007 by ofervedoiro

Mañá, domingo 6 de maio, ás doce da mañá vai ter lugar en Compostela unha manifestación xusta. Temos que exixir dunha vez, a quen sexa, que se poña fin á destrución e degradación do noso territorio. Urbanismo descontrolado, sen escrúpulos, vertidos a ríos, vertidos a rías, encoros, centrais e minicentrais, construcións irracionais… Xa está ben!

Sairá dende a Alameda para facer ver que isto ten que mudar, non podemos acabar co noso nós mesmos. Son numerosos os colectivos que convocan e apoian esta manifestación, entres eles O FERVEDOIRO, e tamén moitos/as os intelectuais e persoeiros/as da sociedade e da cultura galega que asinaron o manifesto. Aquí queda e … todos/as a Compostela!

A nosa vida non se entende sen o territorio: sobre el temos a nosa vivenda, por el nos desprazamos, del tiramos alimento e enerxía, nel deitamos os nosos residuos, traballamos, pasamos o noso tempo de lecer… e o facemos desde hai séculos, nel está a nosa historia. O territorio que habitamos conta con paisaxes fermosas ou singulares e alberga, ademais, muitas outras formas de vida, acubilla biodiversidade.

O territorio condiciona as nosas vidas, mais tamén temos unha cada vez maior capacidade de modificalo. Combinando desleixo e unha estrema ambición depredadora levamos décadas destruíndoo e xustificámonos argumentando que é para xerar emprego, para nos desenvolver, para vivir mellor…

Este uso insustentábel do territorio está destruír a paisaxe e o noso patrimonio cultural, está a empobrecer a biodiversidade, está a empiorar a nosa cualidade de vida e a hipotecar a das xeracións futuras, para, como muito, enriquecer a unha minoría. Galiza perde poboación ao tempo que estende o seu solo artificializado.

Urbanismo caótico, infraestruturas de transporte irracionais, campos de golf, portos deportivos, encoros, piscifactorías, parques eólicos indiscriminados, paseos marítimos e fluviais ríxidos, recheos, monocultivos de especies exóticas e invasoras, nulo respeito polas figuras de protección ambiental e os espazos naturais protexidos… teñen unha cousa en común: a inexistencia dun ordenamento territorial sustentábel.

Denunciamos o elevado nível de destrución do territorio que estamos a atinxir, mais tamén acreditamos na capacidade que aínda temos para reaxir. Aínda é posíbel deseñar e desenvolver unha política de ordenamento territorial sustentábel, que respeite a paisaxe e o patrimonio, que nos permita convivir cunha rica biodiversidade, que mellore a nosa cualidade de vida sen hipotecar a das xeracións futuras.

Sabemos que a xeración de emprego de cualidade, o aceso a unha vivenda digna e o gozo do noso tempo de lecer non é incompatíbel coa sustentabilidade, senon todo o contrario, e por iso demandamos un imediato cambio de rumo.

»  Substance:WordPress   »  Style:Ahren Ahimsa