O FERVEDOIRO

Vai ser a poeta barbanzá (de Noia) María Mariño a terceira muller á que se lle adique o Día das Letras Galegas (antes foron Rosalía de Castro e Francisca Herrera). Cada dezasete de maio, unha figura da nosa literatura é homenaxeada e, en moitos casos, serve esta data para difundir a súa figura.

A figura deste ano naceu en 1907, en Noia, e foi a cuarta dos cinco fillos do zapateiro Xosé Mariño e da costureira Filomena Carou. É polo tanto este o ano no que se cumpre o centenario do seu nacemento.

En 1947, en Parada do Courel, coñecería a Uxío Novoneyra, que supuxo un importante feito na súa vida literaria. Da man del coñeceu e entrou en contacto con outras importanes figuras da nosa literatura: Manuel María, García Sabell ou Sixto Seco, entre outros.

No ano 1963 publica, cun limiar de Otero Pedrayo, "Palabra no tempo", na editorial Celta que dirixía o xa citado Novoneyra. Neste mesmo ano, Anxel Fole escribiría o artigo "Grave silencio enchido"sobre esa obra de María Mariño. Dous anos despois, outro dos máis salientábeis persoeiros da literatura galega, Xosé Luis Méndez Ferrín, escribiría dous artigos sobre a obra da poeta:  "A poesía de María Mariño. Un idioma novo" e "A poesía de María Mariño. Un camiño novo".

En 1966 escribiría os poemas que comporían "Verba que comeza", obra que sería publicada postumamente en 1990. Neset mesmo ano, A Trabe de Ouro edita 5 poema inéditos de María Mariño, e en 1994 Xerais publica a Obra completa de María Mariño.

Morre o 19 de maio de 1967, a consecuencia da enfermidade que padecía e é soterrada no Courel.

Dende O Fervedoiro queremos reclamar, este dezasete de maio, a vida da nosa lingua. Queremos que serva, este día, para que os restantes 364 do ano non se esquezan os oportunistas de que temos unha lingua propia e de que temos direito a vivir plenamente nela. De pouco serve que un día ao ano se fagan grandes esforzos, na maioría dos casos propagandísticos, se o resto do ano non se amosa un decidido compromiso co noso idioma.

Un Día das Letras, unha vida en galego!.

chúzame

This entry was posted on mércores 16 de maio de 2007 at and is filed under Acudeali!. You can follow any responses to this entry through the RSS 2.0 . You can leave a response, ou trackback from your own site.