O FERVEDOIRO

    A partir das 3 da tarde do día de onte, 10 de xuño, un membro do Fervedoiro alertou ao colectivo dun novo vertido ao carón da pasarela de madeira onde temos ergueita unha pancarta na defensa das nosas augas. (more...)

chuzame

Hoxe día 20 de maio rematou o prazo de exposición pública para alegacións á ocupación dos terreos onde se pretende fincar un aeroxenerador (A1) no Monte Caeiro, pertencente ao parque eólico Arca Fase 1, e O Fervedoiro sensibilizado co tema rexistrou a pertinente alegación na que se expoñen as distintas razóns polas que o noso colectivo amosa o seu rechazo. (more...)

chuzame

En reiteradas ocasións vimos de observar que diversas canalizacións que verten supostamente augas pluviais ao río Gallo continúan emitindo restos diversos ao seu cauce. Sabemos da rexenaración que deste río se quixo facer e que, con maior ou menor fortuna, se resolveu. (more...)

chuzame

Tendo coñecemento de que o pasado sábado 19 de abril operarios da empresa Termas de Cuntis S.L. realizaron labores, supostamente de inspección, na arqueta da burga "Fuego de Dios" (ou Lume de Deus), localizada na praza pública cuntiense chamada Praza de Galiza, solicitamos á Consellaría de Industria e Innovación explicacións sobre o estado no que se atopa a devandita burga.  (more...)

chuzame

 O 14 de abril rexistramos no Portelo Único da Xunta de Galiza (Concello de Cuntis), un complemento da alegación presentada o anterior día 11. Esta última foi sobre aspectos fundamentalmente de medio ambientes, e aquela, a que onte  presentamos versa sobre diversos aspectos do patrimonio histórico-artístico cuntiense e da contorna. (more...)

chuzame

Hoxe pola mañá, remitimos á Delegación Provincial de Pontevedra da Consellaría de Innovación e Industria e ao Subdirector de Espazos Naturais e Biodiversidade da Consellaría de Medio Ambiente e Desenvolvemento Sostíbel senllas alegacións (more...)

chuzame

Esta mañá, no rexistro xeral do Concello da Estrada, presentamos denuncia dos vertidos que no río Vea, na contorna da Bragada, se espallan contaminando as súas augas, en detrimento das terras, paisaxes e medio ambiente da zona. (more...)

chuzame

Onte, día 30 de marzo, á altura da pasarela do Gallo que se localiza detrás do Balneario de Cuntis (onde temos ergueita a nosa pancarta: NON MATEMOS AS NOSAS AUGAS!!), ao carón dunha presa que existe próxima a un dos lavadoiros fluviais que hai neste tramo do río, apareceu un can afogado. (more...)

chuzame

Onte, día 26 de marzo, membros do Fervedoiro procedemos a inspeccionar varios dos nosos ríos, e puidemos comprobar, in situ, que moitas veces a acción humana é letal coa natureza que nos nutre e abastece de recursos. (more...)

chuzame

Foi o día 17 de febreiro de 2008 a data na que a sociedade galega se volveu a reunir e autoorganizar para lle esixir ás administracións que GALIZA NON SE VENDE!!, que o patrimonio verde que conserva a nosa querida terra non pode caer en mans de especuladores, de grandes construtoras, de empresas transnacionais, do poder globalizador,... (more...)

chuzame

A rede nacional Galiza Non Se Vende, da que O Fervedoiro fai parte, berrará o vindeiro domingo en Compostela contra a detrución do territorio. Será unha "mani-festa-acción" para esixir a fin das actitudes que están a esnaquizar a nosa paisaxe en prol dos intereses capitalistas e co consentimento dos nosos gobernantes. Ás doce da mañá, na Alameda da Capital: terra viva e digna para tod@s!!!! (more...)

chuzame

Os pactos de silencio, coma todos os pactos, pódense utilizar para afogar no esquecemento aquilo que non interesa e seguir cara adiante con todo o demais como se o incómodo non existira. O que non está na boca da xente non molesta, e mentres, podemos seguir vendendo as marabillosas actuacións e inxentes investimentos que o noso municipio vai recibir. A pasada semana, o delegado provincial de Medio Ambiente visitou as obras de acondicionamento dunha beira do Gallo en Cuntis, pero do que non temos constancia (non se informou) é de que visitara outras que seguen adiante malia ter un expediente aberto: as da minicentral da Ermida. E como el non as visitou, visitámolas nós. (more...)

chuzame

A nosa vertente cultural, que neste comezo de ano amosamos con máis intensidade, non nos fai esquecer un dos nosos sinais de identidade: a denuncia. Un dos argumentos que máis temos repetido dende o noso nacemento é o desleixo que padece o río Gallo, as depuradoras de Cuntis e en xeral a parcela mediambiental. Con todo, temos que recoñecer avances dende a entrada do novo responsábel pero non podemos, con isto, conformarnos. (more...)

chuzame

Temos que facer unha paréntese na "previa" futboleira para retomar o sendeiro da denuncia. Desta volta puidemos descubrir máis de medio cento de neumáticos tirados no monte na zona da Ponte Taboada, moi preto do Río Umia. (more...)

chuzame

Hoxe mesmo recibimos contestación da Consellaría de Medio Ambiente, concretamente do organismo Augas de Galicia, en relación coa carta remitida ao Conselleiro o pasado 7 de setembro na que se lle solicitaba a súa intervención para paralizar a desfeita medioambiental que a construción da Minicentral da Ermida está a causar. (more...)

chuzame